PARA SE TA BLINI
A JA VLEN ME BLE GOLF 7?
Is a Golf 7 worth buying?
Golf 7 është vetura më e kërkuar nga brezi i ri i importeve në Kosovë. Përgjigjja e shkurtër: po, dhe motori i tij dizel është dukshëm më i mirë se ai i Golf 5 dhe Golf 6. Por ka gjëra që duhen kontrolluar para se të paguhet, dhe ato ndryshojnë sipas motorit.
PËRGJIGJA E SHKURTËR
Golf 7 me motor 2.0 TDI (EA288) është ndër zgjedhjet më të sigurta në këtë çmim. Ky brez motori e zgjidhi disa nga problemet e brezave të mëparshëm: filtri i grimcave u zhvendos më afër motorit që të regjenerojë më mirë, dhe sistemi i avujve të vajit u ripunua, çka do të thotë më pak blozë në kolektor.
Nuk ka as historinë e boshtit balancues të 2.0 TDI-së së vjetër, as konsumimin e boshtit me bregore të motorëve PD. Kjo është arsyeja pse ia vlen të paguhet pak më shumë për Golf 7 sesa për një Golf 6 me kilometra të ngjashme.
ÇKA ME KONTROLLU
ÇKA DUHET PARË PARA SE TË PAGUHET
Së pari: cili motor
- 2.0 TDI (EA288) — zgjedhja më e mirë. I fortë, i qëndrueshëm, mirë i mbështetur me pjesë.
- 1.6 TDI — më i lirë dhe më i kursyer, por historikisht ka pasur më shumë ankesa për dizne dhe për pompën e presionit të lartë. Jo motor i keq, por kërkon më shumë kujdes në kontroll.
- 1.4 TSI (EA211, benzinë) — këtu duhet sqaruar një keqkuptim i përhapur: ky motor ka rrip dentat, jo zinxhir. Historia e zinxhirit që kërcen i takon brezit të vjetër EA111, jo këtij. Nëse dikush ju thotë se duhet ndërruar zinxhiri te një Golf 7 1.4 TSI, po ju shet një punë për një pjesë që nuk ekziston aty.
Kontrolli i DPF-së — më i rëndësishmi te importet
Çdo Golf 7 dizel e ka DPF-në. Nëse vetura ka bërë kryesisht rrugë të shkurtra në qytet, filtri mund të jetë afër fundit edhe pse kilometrat duken të pranueshme.
Kjo lexohet: sasia e hirit të grumbulluar tregon sa jetë ka mbetur, dhe historia e regjenerimeve tregon nëse ato po përfundojnë normalisht. Kjo është një nga pak gjërat që nuk shihet fare nga jashtë dhe kushton shumë nëse anashkalohet.
DSG apo manual
Nëse ka DSG, pyetja kyçe është a është ndërruar vaji i ndërruesit. Te tipi i lagët ky është servisim i detyrueshëm rreth çdo 60.000 km. Te një veturë e importuar me histori të panjohur, supozoni që nuk është bërë dhe llogariteni në çmim.
Përshtatjet e kuplungut lexohen nga kompjuteri dhe tregojnë sa ka mbetur — kjo bëhet para blerjes, jo pas.
Çka lexohet nga kompjuteri para blerjes
| Çka | Pse ka rëndësi |
|---|---|
| Hiri dhe historia e DPF-së | Sa jetë ka mbetur filtri |
| Kodet e ruajtura në të gjitha njësitë | Defekte të fshira së fundi lënë gjurmë |
| Përshtatjet e DSG-së | Gjendja e kuplungut |
| Testi i kthimit të naftës | Gjendja e diznave |
| Presioni i turbos, kërkuar përballë real | Fletë të ngecura ose rrjedhje |
| Kilometrazha nëpër njësi të ndryshme | Mospërputhjet tregojnë ndërhyrje |
Pika e fundit vlen të theksohet. Kilometrazha ruhet në disa njësi të veturës, jo vetëm te tabela. Kur ato nuk përputhen, kjo shihet.
Çka shihet me sy
- Vaj rreth turbinës dhe në gypat e interkulerit
- Nivel i antifrizit dhe gjurmë të rrjedhjeve
- Gjendja e amortizerëve dhe zhurmat në kthesa
- Konsumim i pabarabartë i gomave — tregon problem të gjeometrisë ose suspensionit
- Trashësia e bojës nëpër panele — tregon riparime pas aksidenti
- Përputhja e numrit të shasisë me dokumentet
- Lexim i plotë i kodeve nga të gjitha njësitë
- Hiri dhe historia e regjenerimeve të DPF-së
- Përshtatjet e DSG-së nëse është automatik
- Testi i kthimit të naftës te diznat
- Presioni i turbos, kërkuar përballë real
- Përputhja e kilometrazhës nëpër njësi
- Kontroll i suspensionit, frenave dhe rrjedhjeve
- Provë rrugore me lexim të të dhënave në kohë reale
Këshilla që na kushton punë, por është e vërtetë
Nëse gjeni një Golf 7 2.0 TDI me histori servisi të dokumentuar dhe DPF me hi të ulët, ajo veturë ka gjasa t’ju shërbejë gjatë pa shumë shpenzime. Kjo do të thotë më pak punë për ne — por është përgjigja e ndershme.
Ana tjetër: një veturë e njëjtë me çmim dukshëm më të lirë zakonisht e ka atë çmim për një arsye, dhe ajo arsye shpesh lexohet për një orë me pajisje.
Kontrolli para blerjes
E bëjmë këtë kontroll rregullisht për klientë që janë duke blerë veturë të importuar. Merr rreth një orë, bëhet para se të paguhet, dhe raporti është i juaji — pavarësisht nëse e blini veturën ose jo.
Sillni veturën, ose ejani bashkë me shitësin. Nuk kemi lidhje me asnjë autosallon dhe nuk marrim komision nga askush.
PYETJE TË SHPESHTA
A ja vlen me ble Golf 7 1.6 TDI apo 2.0 TDI?
2.0 TDI (EA288) është zgjedhja më e sigurt afatgjatë. 1.6-shi është më i kursyer, por kërkon kontroll më të kujdesshëm të diznave dhe të sistemit të naftës.
A ka Golf 7 1.4 TSI problem me zinxhir?
Jo — ai motor ka rrip dentat. Problemi i zinxhirit i takon brezit të mëparshëm të motorëve 1.4.
Sa kushton kontrolli para blerjes?
Na telefononi për terminin dhe çmimin aktual. Kushton shumë më pak se një DPF ose një DSG.
A mundem me ardhë me veturën e shitësit?
Po, kjo është mënyra e zakonshme. Kontrolli bëhet para se të paguani.
A E KE KËTË PROBLEM?
Para se ta paguani veturën, silleni për një orë. Në Sonic Garage, Ferizaj e lexojmë atë që nuk shihet nga jashtë — DPF-në, DSG-në, diznat dhe kodet — dhe ju japim raportin.
Telefon: 045 934 924 · Beteja Ilire, Muhoc, Ferizaj · E hënë–E shtunë, 08:00–20:00
Lexo edhe: DPF i mbushur · Problem me DSG · Diagnostikë kompjuterike
