SHËRBIMI YNË
KONTROLLI PARA BLERJES
Pre-purchase inspection
Shumica e veturave në Kosovë blihen të importuara, me histori servisi që askush nuk e di me siguri. Një orë para se të paguani është mënyra më e lirë për ta zbuluar atë që nuk shihet nga jashtë — dhe raporti është i juaji, pavarësisht nëse e blini veturën apo jo.
PSE IA VLEN
Gjërat më të shtrenjta te një veturë e përdorur nuk shihen me sy dhe nuk dëgjohen në provë rrugore: gjendja e DPF-së, gjendja e kuplungut te DSG, diznat, dhe kodet që janë fshirë para shitjes.
Të gjitha këto lexohen nga kompjuteri për një orë. Një DPF afër fundit ose një DSG me kuplung të konsumuar kushton shumëfish më shumë se ky kontroll.
ÇKA KONTROLLOJMË
ATË QË NUK SHIHET NGA JASHTË
Nga kompjuteri
- Kodet në të gjitha njësitë, jo vetëm te motori. Njësitë e ndërruesit, ABS-it dhe airbag-ut ruajnë historinë e vet.
- Gjendja e DPF-së te dizeli — sasia e hirit tregon sa jetë ka mbetur filtri, dhe historia e regjenerimeve tregon a po përfundojnë normalisht.
- Përshtatjet e DSG-së — sa ka mbetur nga kuplungu, te veturat me ndërrues automatik.
- Testi i kthimit të naftës — gjendja reale e diznave.
- Presioni i turbos, i kërkuar përballë atij real.
- Kilometrazha nëpër njësi të ndryshme. Ajo ruhet në disa vende në veturë, jo vetëm te tabela. Kur numrat nuk përputhen, kjo shihet.
Nën veturë dhe në motor
- Rrjedhje vaji, antifrizi dhe lëngu i frenave
- Gjendja e amortizerëve, zglobave dhe kokëzave
- Trashësia e disqeve dhe e pllakave të frenave, e matur
- Gjendja e auspuhut dhe e mbajtëseve
- Vaj rreth turbinës dhe në gypat e interkulerit
- Gjurmë korrozioni në pika strukturore
Provë rrugore
Prova bëhet me pajisjen të lidhur, që të lexohen të dhënat gjatë vozitjes e jo vetëm në vend. Shumë defekte shfaqen vetëm nën ngarkesë: presioni i turbos që bie, ndërruesi që kcen kur nxehet, temperatura që nuk arrin vlerën e punës.
Çka merrni në fund
Ju themi tri gjëra veç e veç:
- Çka është në rregull — që të dini se për çka po paguani
- Çka duhet riparuar tash dhe përafërsisht sa kushton
- Çka do të vijë brenda vitit — pjesët që janë drejt fundit të jetës
Pika e fundit shpesh është ajo që ndihmon në negocim. Një DPF afër fundit ose një DSG që kërkon servisim nuk do të thotë se vetura është e keqe — do të thotë se çmimi duhet ta pasqyrojë atë.
- Lexim i kodeve në të gjitha njësitë e veturës
- Hiri dhe historia e regjenerimeve të DPF-së
- Përshtatjet e kuplungut te veturat me DSG
- Testi i kthimit të naftës te diznat
- Përputhja e kilometrazhës nëpër njësi
- Matje e disqeve, kontroll i suspensionit dhe rrjedhjeve
- Trashësia e bojës për riparime pas aksidenti
- Provë rrugore me lexim të të dhënave në kohë reale
Nuk kemi lidhje me asnjë autosallon
Nuk marrim komision nga shitësit dhe nuk bashkëpunojmë me asnjë sallon. Raporti që ju japim është i juaji dhe nuk ka interes tjetër prapa tij.
Mund të vini me veturën vetë, ose bashkë me shitësin. Kontrolli bëhet para se të paguani — pas pagesës ai është thjesht diagnostikë.
Një gjë që duhet thënë
Nëse vetura del e mirë, ne ju themi që është e mirë. Kjo do të thotë më pak punë për ne në të ardhmen — por është e vetmja mënyrë që ky shërbim të ketë vlerë.
PYETJE TË SHPESHTA
Sa zgjat kontrolli?
Rreth një orë për shumicën e veturave, varësisht nga sa njësi ka vetura dhe a është me ndërrues automatik.
A mund të vij me veturën e shitësit?
Po, kjo është mënyra e zakonshme. Shumica e shitësve serioz nuk e kundërshtojnë — dhe kundërshtimi vetë është informacion.
A mund ta bëni kontrollin nëse vetura është ende jashtë Kosovës?
Jo nga distanca. Kontrolli kërkon lidhje fizike me veturën.
Çka nëse gjeni probleme?
Ju japim listën dhe përafërsisht koston. Ju vendosni a e blini, a negocioni çmimin, apo hiqni dorë.
CAKTO TERMININ
Para se ta paguani veturën, silleni për një orë në Sonic Garage, Ferizaj. Lexojmë atë që nuk shihet nga jashtë dhe ju japim raportin — pavarësisht se çka vendosni pastaj.
Telefon: 045 934 924 · Beteja Ilire, Muhoc, Ferizaj · E hënë–E shtunë, 08:00–20:00
Lexo edhe: A ja vlen me ble Golf 7? · DPF i mbushur · Problem me DSG
